2.2. Xüsusi istilik tutumu

Su fiziki xassəsinə görə yanğınla mübarizədə ən yaxşı vasitələrdən biridir.
  • Hansı fiziki xassəsinə görə su yanğınla mübarizədə ən yaxşı vasitələrdən biridir?
Həmin fiziki xassəsi səbəbindən iri su hövzələrinin sahilindəki ərazilərdə, məsələn, Bakı bulvarında hava yayda və qışda nisbətən mülayim olur.
  • Niyə iri su hövzələrinin sahilindəki ərazilərdə hava yayda çox isti, qışda isə çox soyuq olmur?

ARAŞDIRMA-1

  • İstilik miqdarı kütlə və temperatur dəyişməsindən necə asılıdır?
Məsələ 1.

Təcrübədən müəyyən olunmuşdur ki, 1 kq suyun temperaturunu 1ºC artırmaq üçün 4200 C, həmin kütləli kerosinin temperaturunu 1ºC artırmaq üçünsə 2100 C istilik miqdarı tələb olunur. 2 kq suyun temperaturunu 1ºC artırmaq üçün 8400 C, həmin kütləli kerosinin temperaturunu 1ºC artırmaq üçünsə 4200 C istilik miqdarı sərf olunur. İstilik miqdarı cismin kütləsindən necə asılıdır?

Məsələ 2.

Təcrübədən müəyyən olunmuşdur ki, 1 kq suyun temperaturunu 10ºC artırmaq üçün 42000 C, həmin kütləli kerosinin temperaturunu 10ºC artırmaq üçünsə 21000 C istilik miqdarı tələb edilir. İstilik miqdarı nədən asılıdır?

Cismi qızdırarkən ona verilən istilik miqdarı bu cismin kütləsindən və temperatur dəyişməsindən düz mütənasib asılıdır:

Q~m∇t

və ya

Q = cm∇t = cm(t2 - t1)