Həlli. Tutaq ki, qonaqlar A, B, C hərfləri ilə işarələnib
və ağacın kökü olaraq müstəvinin hər hansı O nöqtəsi
götürülüb. Birinci stula üç qonaqdan istənilən birini oturtmaq
olar. Sxemdə buna O nöqtəsində çıxan üç budaq (til)
uyğundur. Birinci stula A oturdulsa, ikinci stula B və ya C-ni
oturtmaq olar. Əgər birinci stula B oturdulsa, ikinci stula A və
ya C-ni oturtmaq olar. Nəhayət,
əgər birinci stula C oturdulsa, ikinciyə A və ya B-ni oturtmaq
mümkün olacaq. Sxemdə buna birinci səviyyəli budaqların hər
birindən çıxan iki budaq uyğundur. Aydındır ki, sonrakı - üçüncü
stulu qalan qonaq tutacaq. Sxemdə buna ikinci səviyyəli
budaqların hər birindən çıxan bir budaq uyğundur. Sonuncu
səviyyədəki bütün budaqların sayı 3 • 2 • 1 = 6 olacaq. Sonuncu
səviyyədəki hər bir budaq qonaqların stullarda oturdulmasının
son mərhələsidir. Deməli, qonaqların stullarda əyləşdirilməsi
üsullarının sayı budaqların sayı qədər olacaq. İndi O
nöqtəsindən budaqlar boyu aşağı getməklə bütün üsulları
asanlıqla yazmaq olar: ABC, ACB, BAC, BCA, CAB, CBA.
Öyrəndiklərinizi yoxlayın
1.
Vasif yalnız kişilərin qeyd olunduğu öz nəsil ağacını gözdən
keçirir. Ox işarəsi atadan oğula tərəf gedir. Vasifin atasının
qardaşının babasının qardaşı oğlunun adı nədir?
2.
3, 5 və 8 rəqəmlərindən hər iki rəqəmi eyni olmayan neçə
ikirəqəmli ədəd düzəltmək mümkündür? Ağacı davam etdirməklə
məsələni həll edin.
3.
5 və 8 rəqəmlərindən neçə müxtəlif üçrəqəmli ədəd düzəltmək
mümkündür?
Ağacı davam etdirməklə məsələni həll edin.