Yerinə qayıdır Xan zənguləsi,
Çahargah nərəsi,
Segah naləsi.
Çıxır azadlığa damlanan damlar,
Damlanan qapılar,
o ah yerləri.
Yerinə qayıdır çəmənin ətri,
Yerinə qayıdır meşənin ruhu,
Yerinə qayıdır Vətənin ətri,
Yerinə qayıdır Şuşanın ruhu.
Hər daşın üstündə şəhid nəfəsi,
Hər daşın altında şəhid qanı var.
Şuşanın nəfəsi igid nəfəsi
Şuşanın ər sözü, hürr dastanı var.
Ramiz Qusarçaylı