Plastik qablar isə rahatlığı və sıxıla bilmək qabiliyyəti baxımından uyğundur (Şəkil 3.5). Qabları yuyub təmizləyib, daha sonra isə təmiz su ilə yaxalayaraq qurumasını təmin etsəniz, qablar və qapaqlarının gözəl görünüşünü təmin edə bilərsiniz. Hətta yeni qabları da istehsal və daşıma prosesində baş verən toz və qırıntılardan təmizləmək məqsədilə yumaq lazımdır.
Balın emalının həyata keçirildiyi yerlər aşağı rütubətli olmalıdır. Çünki bal havadan rütubəti asanlıqla udmaq xassəsinə malikdir. Bankaların qapağının altında azacıq boş yer saxlanılmaqla ağzına kimi doldurulmalıdır. Balın tərkibində suyun miqdarı 16-18.6 faiz təşkil etməlidir. Ona görə də normadan artıq rütubət balın qıcqırmasına səbəb ola bilər.
Bal düzgün qablaşdırılıb saxlanılmazsa, xarab olar və orqanizm üçün zərərli ola bilər. Rütubətin səviyyəsi 17 faizdən yüksək olduğu halda balda mikrobların artmasına səbəb olur. 18 faizdən yüksək rütubət isə qablaşdırılmış balın qıcqırmasını təmin edir.Balın tərkibində şəkər, adətən xarlayır və təcrübəsiz müştərilərdə balın xarab və faydasız olması barədə təəssürat yarada bilər. Siz onlara xarlamanın necə aradan qaldırılması barədə kömək edə bilərsiniz. Balın rəngi, adətən onun dadının necə olacağını göstərən etibarlı göstəricidir. Rəng nektarın mənbəyi ilə əlaqədardır. Yüngül balın mülayim dadı (Şəkil 3.6), tünd balın isə daha çox (sərt) dadı olur. Emal zamanı həddən artıq qızdırma və ya yaxşı şaraitdə saxlama da tünd rəngli balın alınmasına səbəb olar ki, bu da balın keyfiyyətinə təsir edir.