2.2. Balın qablaşdırılması və saxlanılması
Balı enli açıq qabda saxlayın, onu həşəratlar və çirklənmədən qoruyun. Mütəmadi olaraq onu qarışdırın ki, buxarlanma və suyun tərkibinin azalmasına səbəb olsun. Bu cür balın yetişməsi arı yuvasında balın yetişməsinə bənzəyir.
Yüksək keyfiyyətli məhsul almaq üçün balı süzərkən, emal edərkən, qablaşdırarkən və saxlayarkən əsas sanitar-gigiyenik qaydalara riayət olunmalıdır.
Balı təmiz yerlərdə nəmişlik və quru hava olan yerdən uzaq saxlayın, donmasının qarşısını alın. Balın saxlanılması üçün ən münasib temperatur 5-10oC-dir. 10oC temperaturda bal əsas maddələrin bir çox hissəsini saxlayaraq 3 ilə kimi qala bilər. Balın əsas tərkib hissələri heç bir xüsusi dəyişiklik olmadan uzun müddət saxlanıla bilər. Qida məhsulu kimi lazımi şərait olduqda bal on illərlə qala bilər.
Yetişmiş balı saxlayarkən onun ağzını kip bağlayın, çünki bal ətirli maddələri özünə hopduraraq ətrini dəyişə bilər. Ta qədim zamanlardan balı saxlamaq üçün cökə ağacından hazırlanmış xüsusi qablardan istifadə edirdilər. Müasir dövrdə balı taxta, şüşə, minalanmış, keramik qablarda saxlayırlar. Son vaxtlar balın saxlanılması üçün paslanmayan dəmir və alüminiumdan xüsusi qablar hazırlanır. (Şəkil 2.2). Mis, sinklənmiş, həmçinin xüsusi örtüyü olmayan qara dəmirli qablarda balı saxlamaq olmaz.
Praktiki tədbirlər
Balın təmizlənməsi, qablaşdırılması və saxlanılması bal süzüldüyü zaman içinə mumun qırıntıları, şanların hissələri, sürfələr düşdüyü səbəbindən bal 2x2 kvadrat millimetr ölçülü qovuqcuqlarla qalaylanmış tor halında olan filtrdən keçirilərək təmizlənir ki, filtrdə artıq hissələr qalsın (Şəkil 2.3). Balda həmişə təbii qatqı hesab olunan, həmçinin balın keyfiyyətini pisləşdirməyən, əksinə yaxşılaşdıran çiçək tozlarının toxumları qalır. Çiçək tozlarının toxumlarının köməyi ilə balın hansı bitkilərdən yığıldığını müəyyən etmək olar. Bu, balın çiçək tozlu analizi adlanır.