Konservləşdirilməsi üsuluna görə sənaye miqyasında tərəvəzlərdən ən çox pomidor, yerkökü, çuğundur və turşudulmuş kələm şirəsi istehsal edilir.
5.2.8. Püreyəoxşar məhsullarPüreyəoxşar məhsullara təbii pürelər, meyvə pastaları, şəkərli pürelər, meyvə sousları, habelə qatılaşdırılmış souslar aiddir. Meyvə-giləmeyvə pürelərinin tərkibində 8-18 faiz quru maddə olur. Şəkər 8-31 faiz əlavə edilməklə hazırlanan pürelərdə 14-36 faiz quru maddə, meyvə souslarında 21-33 faiz quru maddə, o cümlədən 9 faiz şəkər, meyvə pastalarında 18, 25 və 30 faiz quru maddə olur. Bu məhsullar bilavasitə istifadə edilir və ya kisel, muss və başqa mətbəx yeməklərinin hazırlanmasında əsas xammal kimi işlədilir.
Meyvə-tərəvəz konservlərinin keyfiyyət göstəricilərinə onların qablaşdırıldığı taranın xarici görünüşü, etiketin vəziyyəti, əsas məhsulun rəngi, iyi, dadı:
Fiziki-kimyəvi göstəricilərindən quru maddələrin, şəkərin, duzun, yağın, turşuluğun miqdarı, uşaq və pəhriz qidası üçün konservlərdə qatışıqların olmaması, ağır metal duzlarının miqdarı standart üzrə nəzərə alınır. Meyvə-tərəvəz konservlərini 0-20 dərəcə selsi temperaturda saxlamaq məsləhətdir. Ümumiyyətlə, bütün meyvə-tərəvəz konservlərini keyfiyyətini itirmədən optimal şəraitdə bir il saxlamaq olar. Meyvə-tərəvəz konservlərində saxlanılma zamanı bombaj, bankanın qapağının şişmədən məhsulun turşuması, bankaların əzilməsi, paslanması kimi qüsurlar müşahidə edilir.
Qurudulmuş meyvə və tərəvəz istehsalı məhsulun tərkibindəki suyun miqdarının azaldılmasına əsaslanır. Məhsul qurudulduqda onun tərkibində nəmlik tərəvəzlərdə 11-14 faizə qədər azalır. Meyvə-tərəvəzin qurudulması prosesi aşağıdakı əməliyyatlardan ibarətdir:
Xammalın yuyulması; ölçüsünə və keyfiyyətinə görə çeşidlənməsi; təmizlənməsi; doğranması; pörtlədilməsi; qurudulması; nəmliyin tarazlaşdırılması; metal qatışıqlardan təmizlənməsi və qablaşdırılması.
Meyvə-tərəvəz 2 üsulla - təbii və süni üsullarla qurudulur