İkinci mərhələdə karbokation Br - anionu ilə qarşılıqlı təsirdə olur.
Göründüyü kimi, hidrogen-halogenidlərin alkenlərə birləşməsi ion mexanizmi ilə gedir.
Hidrogen-bromidin buten-2 ilə reaksiyasından 2-brombutan alınır.
Buten-2-dən fərqli olaraq, hidrogen-halogenidlərin propen və buten-1-ə birləşməsi Markovnikov
qaydası ilə gedir. Çünki buten-2 simmetrik alken olduğu halda, propen və buten-
1 qeyri-simmetrik alkenlərdir. Qeyri-simmetrik alkenlərdən fərqli olaraq, simmetrik alkenlərdə
ikiqat rabitəli karbon atomlarına nəzərən hər iki hissə eyni olur.
Markovnİkov qaydasına görə qeyri-simmetrik alkenlərə hidrogen-halogenidlərin birləşməsi
zamanı ikiqat rabitəli karbon atomlarından hidrogeni çox olan karbon atomuna
hidrogen, hidrogeni az olan karbon atomuna isə halogen atomu birləşir. Məsələn,
Buna səbəb qeyri-simmetrik alkenlərdə ikiqat rabitəli karbon atomlarında elektron sıxlığının
qeyri-bərabər paylanmasıdır. Bu reaksiyalarda hidrogen ionu İkiqat rabitəli karbon
atomlarından daha çox mənfi yükə malik karbon atomuna birləşir. Məsələn, propen molekulunda
metil qrupunun təsirindən π-elektron sıxlığı daha çox hidrogenləşmiş karbon
atomuna doğru yönəlir. Nəticədə həmin karbon atomu qismən mənfi, az hidrogeni olan
karbon atomu isə qismən müsbət yüklənir.
Reaksiya zamanı H* ionu qismən mənfi yüklənmiş ikiqat rabitəli karbon atomuna (hidrogen
atomu çox olan ikiqat rabitəli karbon atomuna) birləşir. Br- ionu isə əksinə qismən müsbət
yüklənmiş ikiqat rabitəli karbon atomuna (hidrogen atomu az olan ikiqat rabitəli karbon
atomuna) birləşir.
Buten-1 də eyni qaydada hidrogen-bromid ilə birləşmə reaksiyasına daxil olur və 2-brombutan
alınır.