Neft məhsullarının təkrar emalı
3
Nəqliyyat vasitələrinin sayı hər il artır. Hazırda dünyada avtomobillərin sayı bir milyarddan
çoxdur. Neftin ilkin emalından alınan benzin yanacağa olan tələbatı ödəmir.
Benzin və digər yanacaq məhsullarının miqdarını necə artırmaq olar?
XIX əsrin sonlarında neftin yuxarı temperaturda qaynayan fraksiyalarını kimyəvi üsulla
emal etməklə benzinin alınmasının yeni üsulu təklif edildi. Bunun əsasını böyük molekul
kütləli karbohidrogenlərin benzin fraksiyasına uyğun kiçik molekul kütləli karbohidrogenlərə
parçalanması təşkil edir. Bu proses neftin ikinci emalı adlanır. Neftin ikinci emalı zamanı,
əsasən, krekinq və riforminq prosesləri baş verir.
Krekinq
Krekinq (ingiliscə "parçalanma” deməkdir) mazut, kerosin, liqroin kimi ağır neft məhsullarının
ikinci emalı prosesidir. Krekinqin iki növü vardır:
Termiki krekinq 470-550°C və 2-7 MPa təzyiqdə həyata keçirilir. Termiki krekinq zamanı
karbohidrogen zənciri parçalanaraq daha kiçik doymuş və doymamış karbohidrogen molekullarına
çevrilir.