Xəmiraşı əriştə və xırda lobya ilə bişirilir. Lobya ayrıca qaynadılır. Bərk xəmir yoğrulur. Yayılıb, unlanır və nazik-nazik kəsilir. Ət suyuna əvvəlcə xırda küftələr əlavə edilir. Küftələr bişəndən sonra əriştə və lobya tökülür və hazır olana qədər qaynadılır. Hazır xəmiraşıya doğranmış təzə keşniş əlavə edilir. Süfrəyə veriləndə üzərinə nanə qurusu səpilir (şəkil 5).
Şorbaların hazırlanması üçün bir neçə məsləhət:
Bulyonu gur odun üzərində qaynatmaq olmaz. Belə bulyon bulanıq və dadsız alınır.
Dəfnə yarpağını şorba hazır olana yaxın əlavə etmək lazımdır. Əks halda şorba acı dad verər.
Toyuq şorbasına dəfnə yarpağı əlavə etmək məsləhət deyil.
Şorbalarda C vitamininin qorunması üçün məsləhətlər:
Şorbanı gur odda qaynatmaq olmaz!
Şorbanın üzərindəki yağ qatını yığmaq olmaz. Çünki yağ qatı havanın mayeyə daxil olmasına imkan vermir.
Tərəvəz şorbalarını təkrar qızdırmaq olmaz (bu zaman 30%-ə qədər C vitamini parçalanır).
Tərəvəzləri mütləq qaynayan bulyona əlavə etmək lazımdır.
Şorbanı çox qaynatmaq olmaz.
Duru yeməklər, bulyon, şəffaf şorba, qatışıqlı şorba, püreşəkilli şorba, qarnir, küftə, ədviyyat. |
Özünüyoxlama sualları |
PRAKTİK İŞ |
Tapşırığı icra edin:
Düşbərənin hazırlanması texnologiyasının texnoloji sxemini tərtib edin.