2x - 3 = 0 və x = 1,5 alarıq. Deməli, y = 2x - 3 funksiyasının qrafiki absis oxunu (1,5; 0) nöqtəsində kəsir.
Ordinat (OY) oxu üzərində yerləşən bütün nöqtələrin absisi sıfırdır. Ona görə də x = 0 olduqda y = 2x - 3 bərabərliyindən y-i tapsaq: y = -3 alarıq. Deməli, y = 2x - 3 funksiyasının qrafiki ordinat oxunu (0; -3) nöqtəsində kəsir.
Cavab: (1,5; 0) və (0; -3).
y = ax + b bərabərliyində a = 0 olduqda, y = b şəklində sabit funksiya alınır, y = b funksiyasının qrafiki düzbucaqlı koordinat sistemində (0; b) nöqtəsindən keçən və OX oxuna paralel olan düz xətdir (şəkil 6).
y = ax + b funksiyasının qrafiki a > 0 olduqda OX oxunun müsbət istiqaməti ilə iti bucaq (şəkil 7) və ya a < 0 olduqda kor bucaq əmələ gətirir (şəkil 8).
Şəkil 9-da nümunələrə görə a əmsalının işarəsini və qrafikin OX oxu ilə əmələ gətirdiyi bucağın növünü araşdırın.