BÖLMƏ 2
Quşlar
Quşların ümumi xüsusiyyətlərinə aiddir:
- Dişləri olmur, lakin dimdiyi var.
- Bədəni lələklərlə örtülü olur.
- İki qanadı olur, ancaq bütün quşlar uça bilmirlər.
- Sərt qabığı olan yumurta qoymaqla çoxalırlar. Qabıq yumurtaları xarici təsirlərdən qoruyur.
Dimdik və lələklər, əsasən, quşlarda olur.
Sərçə və bayquş uçan quşlardır.
Dəvəquşu uça bilmir, lakin çox sürətlə qaça bilir.
Pinqvin uça bilmir, lakin çox yaxşı üzə bilir.
Düşün, müzakirə et, paylaş
Dəvəquşu və pinqvinlərdən başqa hansı quşlar uça bilmirlər? Sizcə, bu quşlar nə üçün uça bilmirlər?
Necə düşünürsünüz, uça bilən məməli varmı?