İNSAN ORQANİZMİ
Bilirsinizmi?
Onurğa sütununa sahib olan heyvanların skeleti oxşar quruluşa malikdir. Şəkildə verilmiş heyvan skeletlərinin hər birində kəllə və onurğanı görmək mümkündür.
Kərtənkələ
Göyərçin
Qurbağa
At
Fil
Meymun
Düşün, müzakirə et, paylaş
Şəkildə verilmiş üç skeleti nəzərdən keçirin. Sizin skeletinizə daha yaxın olanı müəyyənləşdirin.
Yetkin insanların skeleti ilə uşaqların skeletini müqayisə etdikdə onların daha böyük olduğunu görürük. Buna səbəb yaş artdıqca insan skeletinin ölçülərinin dəyişməsidir.
Necə düşünürsünüz, hündürboylu insanların bütün sümükləri qısaboylu insanların sümüklərindən böyükdürmü?
Biliklərin yoxlanılması
- Skelet nədir və insan orqanizmində onun nə kimi əhəmiyyəti vardır?
- Sizcə, skeletin hansı funksiyaları vardır?
- İnsanda döş qəfəsi olmasaydı, hansı əsas orqanlarımızın fəaliyyəti çətinləşərdi?