“Pinqvin balası” mətnində delfinlər balaca pinqvini xilas edirlər.
Sizcə, bu, həqiqətə uyğundurmu?
almaq istəyəndə hansı mənbələrə
müraciət edirsiniz?
Müxtəlif varlıqlar və hadisələr haqqında məlumat verən
mənbələrdən biri ensiklopediya kitablarıdır.
Ensiklopediyada mətnlər, adətən, şəkillər və haşiyələrlə
müşayiət olunur.
aşağıdakı səhifələri oxuyun. Yeni öyrəndiyiniz məlumatları qeyd edin.
DELFİNLƏR
• Balıq, yoxsa məməli heyvan?
Delfin suda yaşayır. Onun da balıq kimi üzgəcləri var,
ona görə də çox cəld və sürətlə üzür. Lakin balığın bədəni
pulcuqlarla örtülü olur, delfinin dərisi isə hamardır.
Balıq suyun dərinliyində qəlsəmələri ilə nəfəs alır.
Delfin isə insan kimi ağ ciyərlə nəfəs alır. Ona görə də
tez-tez suyun səthinə çıxır.
Balıqlar kürü qoymaqla çoxalır. Delfin isə dünyaya bala
gətirir və onu südlə böyüdür.
Bu fərqlərə görə demək olar ki, delfin balıq deyil,
məməli heyvandır.
• Delfin ağıllıdır?
Alimlər sübut ediblər ki,
delfinlərin güclü yaddaşı var.
Onlar bir dəfə gördükləri
varlığı, eşitdikləri səsi, duyduqları
qoxunu yadda saxlaya
bilirlər. Delfinlər sürü
şəklində yaşayır, öz aralarında
vəzifələri dəqiq bölüşdürür
və bir-birinə qayğı göstərirlər.