Onlara görə yaxşı heçnə yoxdur, yaxşı bir şeyi qiymətləndirmirlər. Onlar dünyanı maraqsız bir yer olaraq görürlər. Daim narahatdırlar, nə etsəniz onların həyata baxış tərzini dəyişə bilməzsiniz.
Pessimistləri xidmətdə məmnun etmək çətindir. Müvəffəqiyyətli olmaq personalın bütün bacarığını nümayiş etdirməsindən asılıdır. Personal bu cür qonaqlardan təşəkkür gözləməməlidir.
- Həssas (vasvası) qonaq - Bu cür qonaq hər şeyə diqqət edir və ən yaxşısını tələb edir. Həssas qonağa göstərilən xidmət tam və qüsursuz olmalıdır. O, kiçik qüsurları belə görməzdən gəlmir. Heç bir hadisəyə müsbət yanaşmır, gigiyena və sanitariya onun üçün vacibdir. Bu tip qonaqlara görə hər yer təmiz olmalıdır. Sağlamlıqlarına və qidalanmalarına əhəmiyyət verirlər. Mətbəx və xidmət personalının geyimlərinə diqqət edirlər. Xırda səhvləri insanların üzünə çox rahat deyirlər. Bəyəndikləri personalı isə tərifləyirlər.
- Bu cür qonağa xidmət etmək olduqca çətindir. Personalın işini çətinləşdirir. Müəssisənin qayda qanunlarına riayət edən və işini bilən personal bu cür qonaqları razı salır. İşini mükəmməl yerinə yetirən personal seçilir.
- Özündən razı qonaq- Bilik və bacarıqlarının hamıdan çox olduğunu düşünür. O, ətrafına qarşı kobud münasibət göstərir və digər şəxsləri ələ salan, alçaldan hərəkətlər nümayiş edə bilər.
- Özünü bəyənən qonağa xidmət olduqca çətindir. Personalla davranışı ələ salan və xor görən formadadır. İşçilərə xidmətçi kimi baxır. Belə qonağa xidmət etmək üçün personal çox özünə inamlı, səbirli və nəzakətli olmalıdır.
- Ünsiyyətcil qonağın xarakterik xüsusiyyətləri. Personala onalara xidmət etmək zövqlü işdir. Çünki onlar dərhal gözəl xidməti qiymətləndirirlər. Ünsiyyətcil qonaq səxavətlidir, əli açıqdır və çox bəxşiş verəndir. Bəzən personalın da onlarla uzun-uzun söhbətə qoşulmasını və əyləncələrində iştirak etməsini istəyirlər. Bu cür hallarda müəssisədaxili qaydalara riayət etmək lazımdır.
- Utancaq qonaq - öz daxili aləmləri onları daha çox maraqlandırır. Bu cür qonaq kollektivə qoşulmur. Tək qalmağa üstünlük verir. Hər hansı narazılıqda bunu dilə gətirmir.Buna görə də hər hansı münaqişəyə girmir. Ancaq narazılıq halı artdıqda kiçik bir problemdə ciddi münaqişə yarada bilər.
Bu cür qonaqlara xidmət edərkən göstərilən xidmətdən razı qaldıqlarını öyrənmək vacibdir. Belə qonaqlar narazılıqlarını ifadə etmədikləri üçün onlara qarşı çox diqqətli olunmalıdır. Utancaq qonaqların müəssisədən razı qalaraq yola salınmalarına səy göstərilməlidir.
- Optimist, zərif və təvazökar qonaq - belə qonaqla işləmək asandır. O olduğu yerdən məmnundur və bunu göstərir. Hər hansı səhv və ya xətada qışqırmır. Hər bir şeyin yaxşı tərəfini görür və kiçik problemlərdən şikayət etmir.