Tortların hazırlanma prosesi
Tort yüksək qidalı və kalorili yeyinti məhsulu olmaqla yanaşı, eyni zamanda stolu bəzəməli və ona cəlbedici görünüş və bayram əhval ruhiyyəsi verməlidir. Tortların hazırlanması üçün təzə və yüksək keyfiyyətli ənənəvi xammallarla yanaşı, eyni zamanda xüsusi dad və tama malik yeni xammallar və yarımfabrikatlar və meyvə və giləmeyvələrdən də geniş istifadə etmək lazımdır. Bəzədilməsinə də xüsusi fikir verilməlidir. Bu isə tort bişirənin bacarığı, həvəsi və bəzək üçün istifadə edilən əşyaların müxtəlifliyindən asılıdır.
Əvvəllər daha çox biskvitli-kremli tortlar hazırlanırdı. Əsas yarımfabrikatı biskvit və yağlı krem olmasına baxmayaraq, səthinin bəzənməsinə, formasına, ölçüsünə və kütləsinə görə biskvitli-kremli tortların 30-dan çox çeşidi hazırlanırdı. Müasir dövrdə müxtəlif xəmirdən bişirilmiş yarımfabrikatlar əsasında 200-ə qədər çeşiddə tort hazırlanır. Tortların bir neçəsinin resepti dəqiqləşdirilmiş, hətta əlavələr edilmiş və yerli xammallara uyğunlaşdırılmışdır. Ən geniş yayılmış və əksər ailələrdə bişirilən tortlarla yanaşı, eyni zamanda bir çox yeni çeşiddə tortun resepti və hazırlanması haqqındakı məlumatlar böyük maraq doğurur. Tortların hazırlanmasında bir çox ümumi, texnoloji, gigiyenik və digər amilə xüsusi fikir verilməlidir. Bunlardan əsasları aşağıdakılardır:
1. |
Bu və ya digər tortu hazırlamaq istədikdə əvvəla reseptdə nəzərdə
tutulan bütün xammalların evdə olması müəyyənləşdirilməlidir. Xammalların qarşılıqlı
əvəz edilməsi hazırlanacaq tortun keyfiyyəti və dad-tamına mənfi təsir
göstərməməlidir;
|
2. |
Xammalların hamısı reseptdə göstərilən miqdarda ölçülüb götürülməli,
ilkin emaldan keçirilməli və əlin altında təmiz qablarda saxlanılmalıdır;
|
3. |
Tort üçün nəzərdə tutulan və hazırlanması isti emal tələb edən
yarımfabrikatlar (şərbət, pomadka, bişirilmiş krem və s.) əvvəlcədən bişirilməli və
soyudulmalıdır. Ətirverici və yeyinti boyaları yarımfabrikatlara soyudulduqdan sonra
əlavə edilməlidir;
|
4. |
Tortun xəmirdən hazırlanan əsas yarımfabrikat bişirilib tərkibi,
qalınlığı və xəmirin növündən asılı olaraq 2-8 saat saxlanılıb soyudulmalı və sonra
bəzədilməlidir;
|
5. |
Sonradan isti emaldan keçirilməyən yarımfabrikatlar (əsasən, krem)
təmiz yuyulmuş, quru və soyudulmuş qablarda hazırlanmalıdır;
|
6. |
Tort bəzədilməzdən əvvəl əllər təmiz yuyulmalıdır (ətirli əl
sabunundan istifadə olunmamalıdır). Krem çalınmalı, islatmaq üçün şərbətə konyak və
digər ətirvericilər qatılmalı və bişmiş məmulat, lazım gələrsə, üfüqi şəkildə iki-üç
təbəqəyə bölünməlidir. Əgər kakao tozundan istifadə olunacaqsa, bir qədər isidilmiş
kərə yağında həll edilməli, sonra isə əsas kremlə qarışdırılmalıdır;
|
7. |
Tort qabı və ya iri dayaz boşqaba tortun ölçüsündən 2-3 sm böyük
yağlı kağız sərilməlidir. Kağızın kənarlarını zövqünüzə görə bəzəkli ornamentlə
kəssəniz, tort stolda daha yaraşıqlı görünər;
|
8. |
Tortun arası, üzəri və kənarlarına krem çəkilib kənarlarına ovuntu
səpildikdən və yaxud da xırda peçenyelər yapışdırıldıqdan sonra tortqabına qoyulub
bəzədilməlidir;
|