Qıcqırtma üsulu ilə kişmişli mayalı xəmir hazırlanır (Şəkil 3.27).

Hazır mayalı xəmir müvafiq çəkidə hissələrə bölünür, onlardan kürəciklər düzəldilir və kəsik tərəfi üzü aşağı olmaqla yağlanmış formalara qoyulur (xəmir formanın hündürlüyünün 1/3-ni tutmalıdır) (Şəkil 3.28).

Xəmir yarımfabrikatları qabartma üçün 35- 400C-də 50-65 dəqiqə saxlanılır. Qabartmadan sonra məmulatların üstünə yumurta çəkilir və bir neçə yerdən 2-3 sm dərinlikdə deşiklər açılır ki, qabığın altında boşluqlar əmələ gəlməsin (Şəkil 3.29).

Formalara qoyulmuş xəmir bərabər bişirilməsi üçün şirniyyat listlərinin üzərində biri-birindən bir qədər aralı yerləşdirilir və sobada bişirilir. Hazır soyudulmuş məmulatların üst tərəflərinə şəkər kirşanı səpilir (Şəkil 3.30).

Bilmək lazımdır ki, kekslər çəki və say hesabı ilə bişirilir.