Hazır xəmir 5-7 millimetr diametri (“Qlaqoliklər” peçenyesi üçün) və ya 10-15 millimetr (bütün digər peçenye növləri üçün) diametri dişli taxması olan qənnadı torbasına əlavə edilir. Yarımfabrikatlar biri-birindən 2-3 santimetr məsafədə quru qənnadı listinin üzərinə qoyulur. Sobanın elektrik naqillərinin vəziyyəti və torpaqlanması yoxlanaraq iş hazır vəziyyətə gətirilir. Texnoloji prosesə uyğun olaraq temperatur rejimi verilir. Sobada temperatur 220-2300C-yə çatdırılanda yarımfabrikatlar olan list sobaya qoyulur və məmulatların üstü açıq-qəhvəyi rəngə çatana qədər onlar bişirilir. Bişirilmiş yarımfabrikatın keyfiyyətinə qoyulan tələblər aşağıdakılardır:
Kövrək desert xəmirinin hazırlanması vaxtı göstərilən mümkün qüsurlar və onların yaranma səbəbləri aşağıdakılardır (Cədvəl 3.1).
Mümkün qüsurlar
|
Yaranma səbəbləri
|
Xəmir qənnadı torbasından çətinliklə çıxır
|
Unun miqdarı çoxdur, xəmir uzun müddət ərzində yoğrulmuşdur və xəmir formalaşdırılmazdan əvvəl isti yerdə uzun müddət saxlanmışdır. |
Yarımfabrikatlar bişmə vaxtı yayılır | Un azdır, amma mayenin miqdarı çoxdur. |
Hazır yarımfabrikat açıq-qəhvəyi rənglidir | Bişmə temperaturu yüksək olmuşdur. |
Hazır yarımfabrikat çox kövrək olur, ovulur və sınır | Yağ və qabartma maddələrinin miqdarı çoxdur. |
“Yarpaq” peçenyesi
1000 qram peçenyenin hazırlanması üçün: un - 540 qram, o cümlədən, səpmək üçün - 38 qram; şəkər kirşanı - 219 qram; marqarin - 328 qram; yumurta - 100 qram; vanil kirşanı - 4 qram; ammonium - 1 qram; səthə çəkmək üçün yumurta 27 qram. Xəmir əsas xəmirdəki kimi yoğrulur. Hazırlanmış kövrək xəmir qalınlığı 7-8 millimetr olan lay şəklində açılır. Fırçadan istifadə edilərək yumurta çəkilir və xüsusi yarpaq formasını xatırladan nazik uclu basma qəliblə ovalşəkilli formalar kəsilib çıxarılır (Şəkil 3.1).