Yumurta - təzəliyinə, keyfiyyətinə, saxlanılma şəraitinə və emalına görə yumurtalar pəhriz və aşxana yumurtası növlərinə ayrılır. Pəhriz yumurtası yumurtlanan gündən etibarən 7 gün ərzində istehlakçılara çatdırılır. Belə yumurtaların üstündə yumurtlama tarixi göstərən ştamp vurulur. Belə yumurtanın ağı qatı və şəffaf olmalı, sarısı isə tam mərkəzdə yerləşdirilməlidir. Sarısının diski görünməməli və boşluğun hündürlüyü 4 mm-dən çox olmamalıdır. Aşxana yumurtasına 43 qramdan az olmayan bütün yumurtalar və 44 qramdan artıq kütlədə olan, lakin 7 gündən artıq saxlanılan yumurtalar aiddir. Saxlanılma şəraitinə və müddətinə görə aşxana yumurtası təzə, buzxana və əhəng suyunda saxlanılmış növlərə ayrılır. Təzə aşxana yumurtası mənfi 1-2°C temperaturdan aşağı olmayan temperaturda 30 günə qədər saxlanılan yumurtadır. Buzxana yumurtası mənfi 1-2°C-də 30 gündən artıq saxlanılan yumurtalardır.
Tamlı məmulatlar - şokolad məmulatını 18 ± 30°C temperatur və 75% nisbi rütubətdə əlavəsiz şokoladı 6 ay, əlavəli və içlikli şokoladı 3 ay, çəkilib satılacaq əlavəsiz şokoladı 4 ay, əlavəlini isə 2 ay saxlamaq olar. Kakao tozu 50-250 qram tutumlu tənəkə bankalar, karton qutular və 50 kq-a qədər tutumlu kağız və ya polimer paketlərdə (kisələrdə) qablaşdırılır. Kakao tozunun saxlanılma şəraiti şokoladda olduğu kimidir. Tənəkə bankalarda 1 il, karton qutularda isə 6 aydır.
Yağlar - yağları təmiz, quru və havası yaxşı dəyişdirilə bilən anbarlarda mal qonşuluğuna riayət edilməklə saxlayırlar. Anbar və soyuducunun temperaturu - 10°C-yə qədər olmalı, nisbi rütubət isə 80%-dən çox olmamalıdır. Çörəkçilik üçün maye yağ və keks üçün qənnadı yağının 15-20°C-də saxlanılma müddəti 10 gündür. Firityur yağı daha uzun müddət saxlanıla bilər.
Qərzəkli meyvələr və ədviyyələr - quru yerdə saxlanılmalıdır.
Xəmirin hazırlanması Xəmirin hazırlanması üzrə fəaliyyətləri izah etmək üçün mayalı xəmirə nəzər yetirək. Mayalı xəmirdən adi bulka, pirojki, ponçik və başqa məmulat hazırlanır. Bəzən mayalı xəmirə yağ, şəkər və yumurta nisbətən çox qatılır. Yaxşı bişirilmiş dadlı məmulatı almaq üçün xəmirə maya əlavə edib düzgün yoğurmaq və ona qatılası içliyin xarakterindən asılı olaraq əlavələri uyğun seçmək lazımdır. Şirin içlikli piroqlara duzlu xəmirdən istifadə etmək olmaz. Mayalı xəmir hazırlamaq üçün sıxılmış |
maya, qurudulmuş maya, acıxəmrə, duru maya və maya göbələkləri preparatından istifadə olunur. Ev şəraitində ən çox sıxılmış maya götürülür. Əsasən, xəmirin resepti: əla sort un - 2 st, toz-şəkər - 1 x.q, marqarin və ya bitki yağı - 2 x.q. yumurta 1 ədəd, maya - 10 q, duz - 1/4 ç.q, süd və ya su-0,5 l. Hazır məmulatın çıxarı - 500 q. Süd və ya su qazanda 30-35°C istiliyə qədər qızdırılıb içərisində maya həll edilir, duz, şəkər, yumurta və ətirləndirici maddələr qatılıb qarışdırılır və un əlavə edilib 5-8 dəqiqə ərzində xəmir yoğrulur. Xəmir