|
Melanj - dəmir bankalarda 18 dərəcədən 25 dərəcəyə qədər dondurulmuş yumurta sarıları və ağlarının qarışığını təşkil edir. Melanjın donu bilavasitə istifadədən qabaq açılır və hazırlanmış melanj ələkdən süzülür (Şəkil 1.14). |
Şəkil 1.14. Melanj
|
|
Yumurta tozu - yumurta ağlarının və sarılarının qarışığından və ya ayrı-ayrılıqda hazırlanır. Yumurta tozunun nəmliyi 9% təşkil edir. Yumurta tozu istifadədən əvvəl ələnir və sonra suda (10 qram yumurta tozuna 30 qram su götürülür) həll edilir (Şəkil 1.15). |
Şəkil 1.15. Qərzəkli meyvələrin ləpəsi
|
|
Qərzəkli meyvələrin ləpəsi - şirniyyat məmulatları, əsasən, Şərq şirniyyatı istehsalında qoz, fındıq, badam, püstə, yerfındığı və keyşu qozunun ləpəsi, eləcə də şirin çəyirdək ləpəsindən istifadə edilir (Şəkil 1.16). Qərzəkli meyvələrin tərkibində 30-70% yağ və 16,5%-ə qədər zülali maddə olduğundan yüksək qidalılığa malikdir. Qənnadı sənayesi üçün qiymətli və əvəzedilməz xammaldır.
|
Şəkil 1.15. Qərzəkli meyvələrin ləpəsi
|
- Yunan qozu - içliklər və bəzəklərin hazırlanması üçün istifadə edilir.
- Yerfındığı - qabıqsız daxil olunur və badamı əvəz edir. İstifadə edilməzdən əvvəl qovrulmalıdır.
- Püstə - yaşıl rəngli ləpə və şirintəhər və azacıq yağlı xoş dada malik məhsuldur. Pirojna və tortun üzərinə doğranmış və ya üyüdülmüş halda səpmək üçün istifadə edilir.
- Keşyu - tropik ölkələrdə bitən qozdur və şirintəhər və xoşagələn dad malikdir. Xəmirlərin hazırlanması və hazır məmulatların bəzədilməsində istifadə olunur.
- Şabalıd - yabanı halda bitir. Tərkibində 20-28% nişasta və 2% yağ vardır. Şabalıdı tərkibində 14% su qalana kimi qurudurlar. Qovurduqda dadı və ətri yaxşılaşır. Qənnadı sənayesində geniş istifadə edilir.