Aşpaz
Daha sonra bir pay hazır yeməyin hər bir komponenti tərəzidə çəkilmiş və reseptə uyğun olaraq hermetik qablaşdırmaya dondurulmuş komponentlərin duz, ədviyyat və göyərtilər əlavə edilməklə hazırlanmış lazım olan miqdarı
qoyulmuş və onların hermetikləşdirilməsi və alınmış yarımfabrikatların mənfi 18 dərəcədə saxlanması həyata keçirilmişdir.
Birinci yeməklərin istehsalının texnoloji sxemi aşağıdakı kimidir (Şəkil 3.2):
- xammal və yarımfabrikatların istehsalata daxil olunması;
- onları yuyulması;
- təmizlənməsi;
- doğranması;
- ilkin istilik emalı;
- tərəvəzlərin qovrulması;
- reseptə uyğun olaraq xörəyin bütün komponentlərinin maye hissəsi ilə birgə qarışdırılması;
- bütün komponentlərin hazırlanması;
- ədviyyatların əlavə edilməsi.
|
Şəkil 3.2. Tərəvəz yeməyi
|
“Kələm və kartof ilə borş” yeməyinin hazırlanma texnologiyası
Qaynar həlim və ya suya doğranmış təzə kələm əlavə edilir və qaynama həddinə çatdırılır, sonra tir şəklində doğranmış kartof əlavə edilir və 10-15 dəqiqə qaynadılır. Daha sonra qovrulmuş yerkökü və əvvəlcədən
pörtlədilmiş göyərti , ardınca isə qovrulmuş baş soğan, bişirilmiş və ya qaynadılmış çuğundur və qovrulmuş pomidor əzməsi əlavə edilir və hazır olanadək bişirilir.
Hazır olmasına 5-10 dəqiqə qalmış duz və şəkər əlavə edilir (Şəkil 3.3).
|
Şəkil 3.3. “Kələm və kartof ilə borş” yeməyi
|
Turş kələmdən istifadə edildikdə o, borşa çuğundurla birlikdə pörtlədilmiş şəkildə əlavə edilir. Borşu qatılaşdırmaq üçün qurudulmuş undan istifadə etmək olar. Bunun üçün o, həlim və ya su ilə həll edilir (1000 q borşa 10
qram un).
Keyfiyyətinə qoyulan tələblər
Xarici görünüş – borşun maye hissəsində tərəvəzlər öz doğranmış formasını saxlamışdır, səthində yağ vardır və xama və göyərti də ola bilər.
Dad və qoxu - tərəvəzlərə xas olan şirintəhər turş dad və bişirilməmiş tərəvəz dadı yoxdur.
Rəng – moruğu-qırmızı, səthində olan yağ isə narıncı rəngdədir.
Konsistensiya – tərəvəzlər yumşaq, kələm isə elastikdir . Maye və bərk hissənin nisbəti gözlənilir.