Tərəvəzlərin müvafiq qaydada istifadə edilməsi
Tərəvəzlərin görünüşünə və təmizlənmə və doğranma dərəcəsinə görə ilk emalın necə aparıldığı və bişirmənin tövsiyə olunmuş rejimə uyğun olub-olmadığı müəyyənləşdirilir.
Əgər şorbanın reseptinə un daxildirsə, aşqarlı şorbanın maye hissəsi bircins olmalı, təbəqələşməməli və içində bişirilmiş un topaları olmamalıdır.
Əgər şəffaf şorbaların keyfiyyət göstəriciləri təyin edilirsə, onda şorbalar və onların rənglərinin şəffaflığına diqqət yetirilir.
Əgər həlim reseptə uyğun olaraq qarnirlə hazırlanmalıdırsa, birləşdirilir və qarnirin həlimə bulanıqlıq verməsinə diqqət yetirilir, çünki bu, şorbanın qiymətini aşağı salır.
Püreşəkilli şorbaların keyfiyyəti qiymətləndirilərkən şorba qaşıqdan boşqabın içərisinə axıdılır, bu zaman onun qatılığı, konsistensiyasının bircins olması, sürtgəcdən keçirilməmiş hissəciklər və pıxtalaşmış zülalların varlığına diqqət yetirilir. Püreşəkilli şorba bütün həcmi boyu bircins olmalı və səthində maye təbəqələşməməlidir.
Xarici görünüş və rəng göstəricilərindən başqa, onun dadı və qoxusu da qiymətləndirilir.
Beləliklə, aşqarlı və şəffaf şorbalarda, ilk növbədə, maye hissə, daha sonra isə maye və bərk hissə birlikdə yoxlanır.
Birinci yeməklərin hazırlanması üçün onun bərk komponenti olan ilkin xammalın ilkin emalı həyata keçirilir, yəni yuyulur, seçilir, soyulur, tərəvəzlər doğranır və yağ, tomat püresi əlavə olunub pörtlədilir.
Yeməyin bu şəkildə hazırlanmış komponentləri bişənə qədər ayrı-ayrılıqda isti buxarda işlənir, bu da həlimdə quru maddələrin itkisini azaldır. Sonra hər bir komponent ayrıca hermetik taraya yerləşdirilir, 15-20 dərəcə temperatura qədər soyudulur və sonra 6-9 saat ərzində mənfi 18 dərəcədə dondurulur, belə ki rütubətin paylanması, əsasən, istilik emalı zamanı baş verir, bu da saxlama prosesində məhsulun strukturunun qorunmasına səbəb olur.