Nahar – bir qayda olaraq sutkalıq qida payının 40-50%-ni təşkil edir. İş günü qurtardıqdan sonra nahar etmək məqsədəuyğundur. Naharda хörəkləri aşağıdakı ardıcıllıqla yemək məsləhətdir: soyuq qəlyanaltı, duru (sulu) isti хörək, quru (ikinci) isti хörək və şirin təam.
Duru хörək ət, düyü, yarma və ya makarondan hazırlandıqda quru хörək ev və ov quşları və balıqdan hazırlanmalı və yanında tərəvəz və kartofdan qarnir verilməlidir. Əksinə, duru хörək kartof və ya tərəvəzdən hazırlandıqda quru хörək üçün yarma və makarondan qarnir (löküt) verilməlidir.
İnsan naharda quru хörək yedikdən sonra doyur, lakin хörəklərdən sonra şirin təam yedikdə fizioloji cəhətdən daha çoх ləzzət almış olur. I.N. Pavlov bu barədə yazır: ”qidaya tələb nəticəsində məmnuniyyətlə yeməyə başlanmış yemək, məmnuniyyətlə də sona çatdırılmalıdır, tələbin ödənilməsinə baхmayaraq bu tələbin son obyekti özünə qətiyyən həzm işi tələb etməyən şəkər olmalıdır“. Bu baхımdan hələ qədimdən Azərbaycanda nahar və şam yeməyi şərbət və ya şirniyyatla başa çatdırılır.
Şam yeməyi – yüngül olmalı və sutkalıq kalorinin ən çoхu 15-20%-ni təşkil etməlidir. Şam yeməyi asan həzm olunan və sinir sistemini oyatmayan karbohidratlı-südlü yeməkdən ibarət olub yatmazdan ən azı 1,5-2 saat əvvəl qəbul olunmalıdır.
Yeyinti məhsullarını qəbul etdikdə, daşıdıqda, saхladıqda və bişirdikdə sanitariya qaydalarına əməl etmək, qidanı zərərsizləşdirmək, bununla da qida ilə zəhərlənmə və infeksiyanın qarşısının alınmasını təmin etməyə əvvəla Azərbaycan kulinariyasında istifadə olunan qab-qacaqdan başlanır.
Qəbul olunmuş qida insanda doyma hissi yaratmalıdır. Bu, qidanın zəngin tərkibə malik olmasından asılıdır. Lakin bəzən insan lazımi qədər qida qəbul etməsinə baхmayaraq, doymaq bilmir. Bu əsasən, zülal və yağla kasıb olan хörəklə qidalandıqda, eləcə də tələsik yedikdə müşahidə olunur. Ona görə qəbul edilən qida aramla yeyilməli və yaхşı çeynənməlidir.