Ərzaq məhsullarının orqanoleptik göstəricilərinin qiymətləndirilməsi insanın hiss üzvləri – görmə, iybilmə, dadma, lamisə (toxunma hissi) və eşitmə vasitəsilə həyata keçirilir. Sensor göstəricilər orqanoleptik
üsulla qiymətləndirilir.
Orqanoleptik üsulla – yeyinti məhsullarının xarici görünüşü, iyi, dadı, rəngi, konsistensiyası, quruluşu, xırdalanma dərəcəsi və s. müəyyən edilir.
Orqanoleptik təhlil dequstasiya yolu ilə də aparılır. Bunun üçün dequstator heç olmasa, minimum hiss qabiliyyətinə malik olmalıdır ki, məhsulun dadı, ətri, rəngi və bu kimi göstəricilərini tez
ayıra bilsin. Ona görə də dequstatorda bu üzvlər yaxşı inkişaf etmiş olmalıdır.
Nümunə dequstasiyası – şərabın çeşidi ilə maraqlanan geniş kütlə üçün aparılır. Belə dequstasiya zamanı istehlakçı dequstasiyanın aparılması texnikası ilə yanaşı, eyni zamanda
şərabın istehsal texnologiyası və şərabçılığın tarixi ilə tanış edilir. Nümunə dequstasiyası təcrübəli şərabçının rəhbərliyi ilə aparılarsa, onda həmin dequstasiya şərab istehlakı mədəniyyətinin təbliğində ən
yaxşı vasitə hesab edilir (Şəkil 2.45).
Dequstasiya qədəhləri – şərabı dequstasiya etmək üçün istifadə olunan xüsusi qədəhlərdir (Şəkil 2.46). Şərabın orqanoleptik təhlili zamanı şərab mütləq dequstasiya qədəhinə tökülür.
Bu qədəhlər təmiz ağ şüşədən hazırlanır. Qədəhin üzərində heç bir bəzək olmamalıdır. Bütün dequstatorların qədəhinin eyni olmasına ciddi fikir verilir. Qədəhlər konusşəkilli və yumurtaşəkilli oval və yaxud
zanbağa oxşar formada olur. 210-230 sm3 tutumlu qədəhlə 60-70 sm3 həcmdə olan şərabı dequstasiya etmək olar. Bəzi ölkələrdə şərabın dequstasiyasında gümüş və ya əlvan metaldan hazırlanmış fincanlardan istifadə
edilir.
|
Şəkil 2.44. Şərabın dequstasiyası
Şəkil 2.45. Nümunə dequstasiyası
Şəkil 2.46. Dequstasiya qədəhləri
|