Dondurulmuş meyvə və tərəvəzlərin müayinəsi
Tez dondurulan meyvə və tərəvəzlər -250Cdən
-500C-yə qədər dondurula bilən kameralarda
dondurulur (Şəkil 2.16). Bu üsul konservləşmə
üçün ən yaxşı üsul olub imkan verir ki, meyvə və
tərəvəzlərin rəngi, ətri, dadı və kimyəvi tərkibi,
demək olar ki, olduğu kimi qalsın. Dondurma üçün
yüksək keyfiyyətli və istehlak üçün yetişdirilmiş
meyvə və tərəvəzdən istifadə edilir. Göy noxud,
paxla, qırmızı kələm, pomidor, ətirli göyərti, birinci
və ikinci yeməkdə istifadə olunan tərəvəz qarışığı,
çəyirdəkli meyvələr və giləmeyvələr dondurulur.
Tərəvəzlər dondurulmamışdan qabaq yuyulur
və təmizlənir, təbii rənginin saxlanması üçün isə
bəzi tərəvəzlər qısa müddətə buğa verilir (Şəkil
2.15).
Meyvə və giləmeyvələr bütöv və ya
doğranmış şəkildə şəkərli (25%-dən az olmamaq
şərti ilə) və ya şəkərsiz dondurulur (Şəkil 2.16).
Şəkərsiz alma, gavalı, xurma, albalı, qarağat,
quşüzümü, şəkərli şərbətdə istifadə olunan bütöv
meyvələr - alma, armud, heyva əvvəlcədən
təmizlənir və iki və ya dörd yerə bölünür.
Tezdondurulan meyvə və tərəvəzlərin
rəngləri, forma və ölçüləri eyni olmalı, dadı və iyi
isə təzə meyvə və tərəvəz üçün xarakterik
olmalıdır.
|
Şəkil 2.15. Tərəvəzlərin yuyulması
Şəkil 2.16. Meyvələrin dondurulması
|