5.4.4. Qızdırılma fazası
Yumruları anbarlara yığmazdan əvvəl 10-150C temperatur şəraitində qızdırmaq lazımdır. Bu zaman yumruların mexaniki zədələnmələrə qarşı davamlılığı artır və emal üçün daha yararlı olur. Saxlanma vaxtı kartof yumrularında tənəffüs prosesi ilə çıxan istilikdən də yumruların vaxtaşırı qızdırılmasında istifadə olunur (Şəkil 5.22).
5.4.5. Ərzaq kartofunun saxlanması
Satış məqsədilə nəzərdə tutulmuş ərzaq kartofunu qışın sonuna və yazadək saxlamaq üçün saxlanma yerlərində temperatur 50C səviyyəsində nizamlanmalıdır. Əgər hava həddən artıq soyuyarsa, bu zaman optimal temperatur həddinədək saxlanma kameraları qızdırılmalıdır. Ərzaq kartofu qışdan sonra satışa çıxarılarsa, bu zaman temperatur 30C səviyyəsinə endirilir və əlavə qızdırılmaya ehtiyac duyulmur. Emal üçün tədarük olunmuş kartof yumruları 7-100C temperatur şəraitində saxlanılır. Toxumluq kartofun əkinə yararlılığını və xəstəliklərə davamlılığını artırmaq məqsədilə əkin materialını əvvəlcə qısa müddətdə işıqlanan yerdə saxlamaq lazımdır ki, bir qədər yaşıllaşsın.
Saxlanma zamanı temperaturun hər dəfə 10C artması, nisbi nəmliyin 5 faiz azalmasına səbəb olur. Odur ki, saxlanma şəraitində temperatur və nəmlik rejimi mütəmadi diqqət mərkəzində olmalıdır.
5.4.6. Kartofun torpaqda (brutlarda) saxlanması
üsulu
Kartofun brutlarda, zirzəmilərdə (Şəkil 5.23), xəndəklərdə, digər örtülü yerlərdə saxlanması üsulundan uzun illərdir ki, ənənəvi şəkildə dünyanın əksər ölkələrində istifadə edilir.
Xüsusilə, Azərbaycanda uzun illər kartofçuluqla məşğul olan Gədəbəy, Tovuz, Şəmkir, Xanlar, Qusar, Lerik, Quba rayonlarında, Naxçıvan Muxtar Respublikasında və digər dağlıq-dağətəyi bölgələrdə kartofun saxlanmasında bu ata-baba üsulundan geniş istifadə olunur. Bu üsulun üstün cəhəti ondan ibarətdir ki, saxlanma prosesində əlavə enerjidən istifadə olunmur, kartof tam təbii
şəraitdə
saxlanılır, əlavə xərclər azalır.