Azərbaycan Respublikasının ərazisi toxunulmazdır və bölünməzdir. Dövlət dilimiz Azərbaycan dilidir. Azərbaycan Respublikasının paytaxtı Bakı şəhəridir.
1) Dövlət rəmzləri hansılardır?
2) Dövlət rəmzlərimizə nə üçün hörmət etməliyik?
3) Dövləti qorumaq nə üçün vacibdir?
   
BUNLARI BİLMƏLİSİNİZ!
Dövlət rəmzlərimiz Azərbaycan dövlətinin, onun müstəqilliyinin
və birliyinin müqəddəs rəmzidir.

Dövlət bayrağımız

Azərbaycan bayrağının eni onun uzunluğunun yarısına bərabərdir. Biz bayrağımızın şəklini çəkəndə, yaxud onu rəngli kağızlardan hazırlayanda ölçülərinin nisbətini pozmamalıyıq.


Dövlət gerbimiz

Dövlət gerbimiz palıd budaqlarından və sünbüllərdən ibarət qövsün üzərində yerləşən şərq qalxanının təsvirindən ibarətdir. Qalxanın üstündə bayrağımızın rəngləri fonunda səkkizguşəli ulduz, ulduzun mərkəzində alov vardır.

Gerbimizi təsvir edərkən onun elementlərini dəyişmək olmaz.


Dövlət himnimiz

Böyük bəstəkar Üzeyir Hacıbəyli və şair Əhməd Cavad tərəfindən tərtib edilmiş “Azərbaycan marşı” Azərbaycanın Dövlət himni kimi təsdiq edilmişdir.

Himnimizi oxuyarkən mətnin sözlərini dəyişmək olmaz.

Bizim müstəqil dövlətimiz var. Bu, Azərbaycan Respublikasıdır.