Bu qrafiklərə görə aşağıdakı ümumiləşdirmələri aparmaq olar.
1. Nümunə. y = -|x + 2| + 3 funksiyasının qrafikini qurun.
Həlli. 1. Qrafikin (–2; 3) təpə nöqtəsini koordinat
müstəvisi üzərində qeyd edin.
2. Funksiyaya uyğun hər hansı başqa bir nöqtəni,
məsələn, (–3; 2) nöqtəsini qeyd edin.
3. x = –2 simmetriya xə
nə görə (–3; 2) nöqtəsinə
simmetrik olan (–1; 2) nöqtəsini qeyd edin.
4. a = –1 < 0 olduğu üçün şüaların aşağıya doğru
yönəldiyini nəzərə almaqla, qeyd edilmiş üç
nöqtəyə görə qrafiki çəkin.
2. Nümunə. Qrafikə və verilən nöqtələrə görə uyğun funksiyanı yazın.
Həlli.
1. Qrafikin təpəsi (0; -3) nöqtəsindədir.
2. y = a|x - m| + n düsturunda m və n-nin yerinə
uyğun olaraq 0 və -3 qiymətlərini yazaq:
y = a|x - 0| + (-3); y = a|x| - 3
Qrafik üzərindəki (2; 1) nöqtəsinin koordinatlarını
y = a|x| - 3 düsturunda yerinə yazaq:
1 = a|2| - 3; 1 = 2a- 3; 4 = 2a; a= 2
Qrafikə uyğun funksiya y = 2|x| - 3 olacaq.
Yoxlama: Bunun üçün y = 2|x| - 3 funksiyasının qrafikini qurun. Qrafikin
qollarının yuxarı yönələcəyinə, həmçinin y = |x|-in qrafikinə nəzərən ordinat
oxuna daha çox sıxılmış olacağına diqqət edin.