1 təpəsinin dərəcəsi 6 olduğundan (Arif altı görüş keçirdiyindən) bu təpə qalan
təpələrin hamısı ilə birləşmiş olacaq. 7 təpəsinin dərəcəsi isə 1 olduğundan onun qonşu
təpəsi yalnız 1 təpəsi olacaq.
{2, 3, 4, 5, 6} təpələr çoxluğundan yaranan H1 altqrafına baxaq. Bu altqraf G
qrafından 1, 7 təpələrini və onlardan çıxan tilləri uzaqlaşdırmaqla alınır. Ona görə də
5 təpəsi olan H1 qrafında təpələrin dərəcələri belə olacaq:
d(2) = 4, d(3) = d(4) = 2, d(5) = d(6) = 1.
H1 qrafında 2 təpəsi bütün təpələrlə, 5 və 6 təpələri isə yalnız 2 təpəsi ilə qonşudur.
İndi {3, 4} təpələr çoxluğundan yaranan H2 altqrafına baxaq. Bu qraf H1 qrafından 2,
5, 6 təpələrini və onlardan çıxan tilləri uzaqlaşdırmaqla alınır.
H2 qrafında d(3) = d(4) = 1, yəni bu qraf aşağıdakı şəkildədir:
Uzaqlaşdırılmış 2, 5, 6 təpələrini geri qaytarsaq, H1 qrafını alaraq:
İndi isə uzaqlaşdırılmış 1 və 7 təpələrini geri qaytarsaq, tələb olunan G qrafını alarıq:
Bu qraf məktəblilərin yarışda görüşlərini təsvir edir. Beləliklə, Ceyhun (qrafın 3 təpəsi) 1, 2 və 4 təpələrinə uyğun olan Arif, Bəkir və Dadaş ilə görüş keçirib. Aydındır ki, bu qraf əsasında başqa məktəblilərin də kimlərlə görüşməsi ilə bağlı suala asanlıqla cavab vermək olar.