Düşmə bucağının müəyyən qiymətində işıq şüası ikinci mühitə (havaya) keçmir, sınma bucağı 90° olur (şüa su-hava sərhədi boyunca yayılır) (bax: c, 5 halı). Düşmə bucağının sonrakı artımında isə su-hava sərhədinə düşən işığın sınması baş vermir, şüa bütünlüklə suyun daxili səthindən əks olunur (bax: c, 6–7 halları) – işığın tam daxili qayıtma hadisəsi baş verir. 90°-lik sınma bucağına uyğun gələn α0 düşmə bucağı tam daxili qayıtmanın limit bucağı adlanır. Sınma bucağı 90° olan hal üçün sınma qanunu belə yazılır:
sin α0
sin 90° = 1
n
sin 90° = 1 olduğundan:
sin α0 = 1
n
Hər mühit cütü üçün (məsələn, şüşə-hava, almaz-şüşə və s.) tam daxili qayıtmanın limit bucağı vardır. Təcrübələrdən müəyyən edilmişdir ki, işıq şüasının şüşəhava sərhədində limit bucağı α ≈ 42°-dir. Bu o deməkdir ki, işıq şüasının şüşə-hava sərhədinə düşmə bucağı ≈42°-dən böyük olduqda şüşədə tam daxili qayıtma hadisəsi baş verəcəkdir.
İşığın tam daxili qayıtmasından müxtəlif optik cihazlarda, işıqötürənlərdə, zərgərlik işlərində istifadə olunur. Məsələn, binoklun əsas hissələrindən olan şüşə prizma üzərinə düşən işıq tam daxili qayıtma nəticəsində, demək olar ki, tamamilə əks olunaraq istiqamətini dəyişir (d).
Prizmada tam daxili qayıtma necə baş verir? Şüşə prizma optik cihazda elə yerləşdirilir ki, işıq şüası onun səthinə perpendikulyar düşsün (e). Prizmanın oturacağı bərabəryanlı düzbucaqlı üçbucaqdır
(AB = AC; = 90°).
İşıq şüası prizmaya sınmadan daxil olur (çünki düşmə bucağı 0°-dir) və onun hava ilə sərhədinə (şüşə-hava sərhədi)
α = 45° bucaq altında düşür. Bu bucaq şüşə-hava mühitləri üçün şüşənin limit bucağından böyük olduğundan şüa havaya çıxmır və γ = 45° bucaq altında tamamilə qayıdaraq prizmanın ACDF üzündən çıxır (bax: e və f).