Kollaps vəziyyətində təbii mühitin özünü bərpa etməyə gücü çatmır.
Əhatə etdiyi əraziyə görə ekoloji böhran qlobal, regional və lokal ola bilər.
Qlobal ekoloji böhranla mübarizə aparmaq çox çətindir, onun həlli üçün dövlətlərin birgə fəaliyyəti vacibdir. Hazırda qlobal ekoloji böhrana nümunə kimi Avropada “turşulu yağışları”, “istixana effekti” və Antarktidada “ozon dəliyi”ni göstərmək olar.
ilə çirklənməsi dövrümüzün qlobal probleminə çevrilmişdir.
Avropada bir çox məşhur
memarlıq abidələri turşulu
yağışların təsirindən dağılır.
Regional ekoloji böhran bəzi dövlətləri və ya dövlətin regionlarını əhatə edir. O həmçinin qonşu regionlara da mənfi təsir göstərə bilər; lakin onu bir və ya bir neçə dövlətin səyi ilə həll etmək mümkündür. Lokal ekoloji böhran daha kiçik əraziləri əhatə edir. Buna nümunə kimi dağ-mədən sənayesinin çirkləndirdiyi landşaftları, sənaye tullantıları ilə çirklənmiş su hövzələrini və torpaq örtüyünü göstərmək olar. Bu problemlərin həlli torpaqların rekultivasiyası və pozulmuş landşaftların bərpası ilə mümkündür.
• Böyük Şor gölü, 2000-ci il. Beynəlxalq ekspertlərin fikrincə, Böyük Şor gölü dünyanın ən çirklənmiş su hövzələrindən biri olub Abşeronun ekoloji vəziyyətinə mənfi təsir göstərirdi. Yarım əsrdən çox müddətdə gölə neft-mədən suları və ətraf yaşayış məntəqələrinin çirkab suları axıdılıb.
• Böyük Şor gölü sahilindә “Olimpiya” stadionu, 2015-ci il.
Gölün təmizlənməsi problemi Bakı şəhəri və ətraf qəsəbələrin sosial-iqtisadi inkişafı ilə bağlı dövlәt proqramı çərçivəsində öz həllini tapmışdır. Nəticədə Böyük Şor gölü sahilində bulvar və park salınmış, I Avropa Oyunlarının keçirildiyi “Olimpiya” stadionu tikilmişdir.
– Yaşadığınız əraziyə yaxın yerləşən hansı çirklənmiş ərazini (su hövzəsi, mədən, tala, küçə və s.) yeniləşdirmək istərdiniz? Onun yerində hansı layihəni həyata keçirərdiniz?