Səfəvi dövlətində siyasi və hərbi vəziyyətin ağırlaşdığı bir vaxtda hakimiyyətə möhkəm əqidəyə və siyasi mövqeyə malik olan şah I Abbas gəldi. 42 il hakimiyyətdə olmuş şah I Abbası Avropada «Böyük Abbas» adlandırırdılar.
 |
Şah I Abbas Səfəvi dövlətini böhrandan necə çıxardı?
|
Şah I Abbasın hakimiyyətə gəlməsi. 1587-ci ildə Səfəvi dövlətində saray çevrilişi baş verdi. Məhəmməd Xudabəndə hakimiyyətdən kənarlaşdırıldı, onun oğlu 16 yaşlı Abbas şah elan edildi.
 |
Sizcə, qızılbaş əyanları şah Məhəmməd Xudabəndəni hakimiyyətdən hansı səbəblərə görə kənarlaşdırıdılar? Bunun daxili və xarici səbəblərini qeyd edin. |
Şah I Abbas (1587—1629) dövlətin varlığını qorumaq üçün, ilk növbədə, Osmanlı dövləti ilə sülh danışıqlarına başladı. 1590-cı ildə İstanbulda sülh müqaviləsi imzalandı. XVI əsrdə Səfəvi—Osmanlı müharibəsinə son qoyan bu müqavilənin şərtlərinə əsasən, Ərdəbil, Xalxal, Qaradağ, Zəncan, Qəzvin və Lənkərandan başqa bütün Azərbaycan torpaqları osmanlılara verildi.
1590-cı il İstanbul müqaviləsi Sə- fəvilərin imzaladığı ən ağır şərtli sülh müqaviləsi idi. Bu müqavilənin şərtlərinə görə, Səfəvi dövləti öz ərazisinin xeyli hissəsini itirdi.