Şüşə qablaşdırma çatlamasın deyə suyun hərarəti konservlərin hərarətindən artıq
olmamalıdır.
Soyudulma. Pasterizə və ya sterilizə bitəndən sonra bankalar
qazandan xüsusi tutqacların köməyi ilə götürülür və içində az miqdarda qaynar su olan digər qazana
yerləşdirilir. Sonra bu qazana ehtiyatla soyuq su əlavə edilir. Sonra su boşaldılır və yalnız soyuq su
tökülür. Bütün bu əməliyyatlar çox ehtiyatla yerinə yetirilir. Çünki hərarət dəyişikliyindən bankalar
çatlaya bilər.
Konservlərin saxlanması. Ev şəraitində ağzı kip bağlanaraq konservləşdirilmiş
bankaları, adətən, qaranlıq yerdə saxlayırlar. Bu zaman konservləşdirilmiş
məhsullar öz rəngini və qida dəyərliliyini qoruyub saxlaya bilir
Saxlama zamanı temperatur 4-8°-ni keçməməlidir.
Təhlükəsizlik və sanitariya qaydaları
- İşə başlamazdan əvvəl əllər mütləq sabunla yuyulmalı, önlük taxılmalıdır.
- Qablama məmulatlarını əsaslı surətdə yumaq, buxara vermək və ya sterilləşdirmək lazımdır.
- Konservləşdirmək üçün ərzaqları diqqətlə seçmək, əzilmiş və zədələnmiş yerlərini kənarlaşdırmaq
lazımdır.
- Ərzaqları paslanmayan poladdan olan bıçaqla təhlükəsiz iş
qaydalarına riayət etməklə təmizləmək və doğramaq lazımdır.
- Ərzaqları, sterilləşdirmə və bişirmə vaxtını gözləməklə, qaydalara uyğun qablaşdırmaq lazımdır.
- Qızdırıcı cihazlarla, sobalarla işlədikdə yanıqlardan qorunmaq üçün çox diqqətli olmaq lazımdır.
|
Konservləşdirmə, pasterizə edilmə, sterilləşdirmə, pörtmə. |
- Meyvə və tərəvəz hansı məqsədlə konservləşdirilir?
- Konservləşdirmənin hansı üsulları var?
- Sterilləşdirmə nədir?
- Qurudulma nədir?
- Qıcqırtma nədir?
- Konservləşdirmədə hansı avadanlıq və qablama məmulatları istifadə edilir?
- Nəyə görə konservləşdirilmiş məhsulun ağzı kip bağlanmalıdır?
- Konservləşdirmə texnologiyası nədən ibarətdir?
- Pörtmə nə üçün aparılır?