Onlar mayalı, mayasız, qat-qat və s. növ xəmirlərdən hazırlanır. Paxlava növləri bir-birindən həmxəmirin, içliyin və şərbətin tərkibinə, həm də bəzədilmə üsuluna görə fərqlənir. Amma hər bir halda üstünlük ənənəvi rombşəkilli doğrama üsuluna verilir.
Paxlava bişirməyin ümumi qaydaları hansılardır? |
Qaydalar bunlardır:
Paxlava, əsasən, mayalı xəmirdən hazırlanır. Amma paxlavanın mayasız xəmirdən bişirilən növləri də var.
Paxlava üçün içlik necə hazırlanır? |
İçlik (şəkil 3) sadə üsulla hazırlanır: qovrulmuş, üz qabığı təmizlənmiş, üyüdülmüş qoz ləpəsi və şəkər tozundan ibarət olan içliyin hər iki tərkib hissəsi eyni çəkidə götürülür.
Paxlava içliyi fındıqdan olarsa, ləpə qovrulmalı və üz qabığı təmizlənməlidir. Badamiçlikli paxlava üçün isə badam ləpələrini bir neçə dəqiqə qaynar suda saxlayıb üz qabıqlarını çıxartmaq lazımdır.
Paxlava içliyi: Qovrulmuş və təmizlənmiş ləpə (qoz, fındıq, badam) üyüdülür. 500 qram ləpəyə 500 qram şəkər tozu əlavə edilir. Qoz və şəkərdən başqa, iki növ ədviyyat - darçın və hil də qovrulub üyüdüldükdən sonra içliyə qatılır. Darçın və hilin nisbəti paxlavanın müxtəlifnövləri üçün dəyişir.