Əgər - onda - əks halda

Bəzi hallarda alqoritmlərdə şərt ödənilmədikdə də müəyyən komandaları yerinə yetirmək lazım gəlir.
Bu zaman budaqlanma “əgər”, “onda” və “əks halda” sözləri vasitəsilə yazılır.

Belə bir misala baxaq. Səhər yeməyindən sonra ata uşaqlarına dedi:
- “Əgər hava isti olarsa, onda sizi çimərliyə, əks halda isə parka gəzməyə aparacağam”.

Başlanğıc

  1. Səhər yeməyini ye
  2. Əgər hava istidirsə,
    onda
  3. Çimərliyə get
  4. Dənizdə çim
    əks halda
  5. Parka get
  6. Yelləncəyə min
  7. Evə qayıt
Son

Bu hərəkətlər planını blok-sxem və sözlə belə göstərmək olar:

FİKİRLƏŞ
Şəklə bax. Uşaqlar nə üçün çimərliyə getmədilər?
Onların növbəti hərəkəti nə olacaq?

Alqoritmin şərtində mürəkkəb mülahizələrdən də istifadə oluna bilər;

məsələn:

“Əgər hava istidirsə və külək yoxdursa, onda çimərliyə getmək, əks halda evdə oturmaq”, “Əgər istirahət və ya bayram günüdürsə, onda məktəbə getməmək, əks halda getmək”.