Asetilenin homologlarının hidratlaşmasından isə ketonlar əmələ gəlir:
Sənayedə aseton oduncağın quru distilləsindən, izopropilbenzol və propanol-2-nin oksidləşməsindən alınır.
Quruluşu. Aldehidlərin elektron quruluşu formaldehiti molekülü misalında aşağıda göstərilmişdir:
Formaldehid molekülünün elektron quruluşu (a) və π-rabitənin əmələ gəlməsi (b).Aldehid qrupunda karbon atomu sp2-hibridləşmə halmdadır. Karbon atomunun 3 ədəd σ-rabitələri bir-birinə nəzərən təqribən 120°-li bucaq altında yönələrək (a) bir müstəvi üzərində yerləşmişdir. Bu səbəbdən formaldehid molekulu müstəvi quruluşa malikdir. Karbon atomunun hibridləşmədə iştirak etməyən p-orbitalı oksigenin p-orbitalı ilə yandan örtülərək karbonla oksigen arasında π-rabitə əmələ gətirir. Oksigen atomu daha yüksək elektromənfiliyə malik olduğundan ikiqat C=0 rabitənin mütəhərrik π-elektron buludu karbon atomundan oksigenə tərəf çəkilir və nəticədə oksigen atomu qismən mənfi karbon atomu isə qismən müsbət yüklənir:
Aldehidlərdə C=0 rabitənin polyarlaşması formaldehid molekulunun elektron sıxlığı xəritəsində aydın görünür: qismən mənfi yük (qırmızı rəng) oksigen atomu ətrafında, qismən müsbət yük isə (göy rəng) karbon atomu ətrafında yerləşmişdir.
Qeyd. Elektron sıxlığı xəritəsində C=0 ikiqat rabitə bir millə göstərilir.
>C=0 rabitənin polyarlaşması aldehidlərin fiziki və kimyəvi xassələrində özünü göstərir.
Fiziki xassələri. Aldehidlərin molekullannda -OH qrupu olmadığmdan onlar öz aralarında molekullararası hidrogen rabitəsi əmələ gətirmir. Bu səbəbdən aldehidlərin qaynama temperaturu eyni sayda karbon atomu olan spirt və karbon turşularının qaynama temperaturundan aşağı olur.