Ancaq şiş əmələgətirən hüceyrələr quruluşuna və böyümə xüsusiyyətlərinə görə normal hüceyrələrdən fərqlənir. Klinik baxımdan şişlər iki qrupa bölünür.

Şişlər əmələ gəldiyi toxumalara görə qruplaşdırıb adlandırılır.

№ Şişlər Xoşxassəli Bədxassəli
1. Epitel toxuması şişləri Papiloma, adenoma, kista Karsinoma
2. Birləşdirici toxuma şişləri Fibroma, lipoma Sarkoma
3. Sinir toxuması şişləri Nevrioma, qlioma Neyrosarkoma
4. Əzələ toxuması şişləri Mioma Miosarkoma

Damar şişləri də vardır ki, onların xoşxassəlilərinə angiomaları, bədxassəlilərinə isə angiosarkomalar aid edilir.

Şişlərin əmələgəlmə səbəbləri hələ də tam aydınlaşdırılmamışdır. Ancaq bu haqda bir neçə fərziyyə mövcuddur:

  • Embrional inkişaf zamanı bəzi toxuma hüceyrələrində baş verən dəyişikliklərə postemdrional inkişaf dövründə xarici mühit amillərinin təsiri. Məsələn, dəridəki xallar melanomaya* çevrilir;
  • Kanserogen maddələrin (tütün, asbest, parafin, anilin boyaları, ionlaşdırıcı şüalar və s.) təsiri;